O Saviñao abriu o ciclo do entroido tradicional da Ribeira Sacra

La Voz de Galicia - 23 de xaneiro do 2005
As pintorescas figuras dos volantes, peliqueiros e mecos animaron o domingo lambedoiro.
O festexo, conservado en Chantada, loita por recuperarse alén do Miño.

O Entroido Ribeirao, o entroido rural tradicional da Ribeira Sacra lucense, comezou a celebrarse onte co chamado domingo lambedoiro na parroquia de Fión, do municipio do Saviñao. Ás cinco da tarde empezaron no campo da festa local as danzas das figuras típicas deste festexo, coñecidas como volantes e peliqueiros, os primeiros deles ataviados con espectaculares coroas multicolores ou puchos e portando todos eles cintos cargados de cencerros. Outras figuras vestidas con peles, os mecos, perseguiron a correazos a algúns espectadores.

Ver noticia completa en www.lavozdegalicia.es