domingo, 26 de outubro de 2014

A falta de recursos económicos bloquea a rehabilitación do castelo de Doiras

La Voz de Galicia - 26 de outubro de 2014
Os donos, a Fundación Soto de Fión, centran vos seus fondos nas escavacións de Arxeriz.
Aínda que hai agora dous anos se falou con insistencia de «darlle vida» ao castelo de Doiras, a falta de recursos económicos bloquea a rehabilitación desta fortificación medieval situada no municipio de Cervantes, e que é propiedade desde hai catorce anos da Fundación Xosé Soto de Fión. O seu secretario, José Antonio Quiroga, explica que a entidade sen ánimo de lucro «está facendo un tremendísimo esforzo» na súa sede de Arxeriz (O Saviñao), investindo gran cantidade de fondos na segunda campaña de escavacións arqueolóxicas no castro, e iso limita a súa capacidade para intervir da maneira en que lles gustaría en Doiras. «Os nosos recursos son limitados. Non somos a Barrié [fundación] nin farrapo de gaitas», sinala. Deste xeito, recoñece que as negociacións emprendidas hai tempo coa Deputación de Lugo para abrir o castelo cervantino ao público en condicións atópanse en «stand by». 

Ver noticia completa en www.lavozdegalicia.es

Ningún comentario:

Publicar un comentario